Sefydlodd Mesur yr Iaith Gymraeg (Cymru) 2011 fframwaith cyfreithiol i osod dyletswydd statudol ar gyrff cyhoeddus yng Nghymru i gydymffurfio â safonau ymddygiad mewn perthynas â’r Gymraeg. Mae’n cydnabod bod dwy iaith swyddogol yng Nghymru - Cymraeg a Saesneg. Mae hyn yn golygu na ellir trin y Gymraeg yn llai ffafriol na Saesneg.

Nod y safonau yw gwella’r gwasanaeth dwyieithog y gall pobl Cymru ddisgwyl ei dderbyn gan sefydliadau yng Nghymru. Mae’r Brifysgol yn ymrwymo i wneud cyfraniad cadarnhaol at ddatblygiad yr iaith Gymraeg a thuag at gadw at Safonau’r Iaith Gymraeg. Mae’r dudalen hon yn amlinellu rhai o’r gwasanaethau y gallwch ddisgwyl eu derbyn gennym trwy gyfrwng y Gymraeg.

Fel rhan o’n hymrwymiad i Safonau’r Gymraeg byddwn yn:

• Peidio â thrin y Gymraeg yn llai ffafriol na’r Saesneg.
• Annog siaradwyr Cymraeg i fanteisio ar y gwasanaethau y mae ganddynt hawl i’w derbyn gennym trwy gyfrwng y Gymraeg
• Hwyluso’r defnyddio’r Gymraeg ar y campws
• Cefnogi aelodau o staff sydd angen cymorth gyda’r Gymraeg.

Y gwasanaethau y gall siaradwyr Cymraeg eu disgwyl oddi wrthym

• Rydym yn croesawu gohebiaeth ac ymholiadau dros y ffôn yn y Gymraeg a byddwn yn sicrhau bod yr holl ohebiaeth a dderbynnir gan y Brifysgol yn y Gymraeg yn derbyn ymateb yn y Gymraeg. Ni fydd ysgrifennu atom yn y Gymraeg yn arwain at oedi o ran cael ymateb.
• Bydd yr holl dudalennau gwe ar gael yn Gymraeg a Saesneg.