Dod o hyd i Erthyglau mewn Cyfnodolion

Mae Cyfnodolion yn gylchgronau academaidd ac fel cylchgronau, maent yn cynnwys erthyglau. Yn gyffredinol, mae erthyglau mewn Cyfnodolion yn fyrrach na phennod mewn llyfr ac yn canolbwyntio ar bwnc penodol.

Cânt eu galw’n Gyfnodolion oherwydd eu bod yn cael eu cyhoeddi trwy gydol y flwyddyn ar wahanol adegau. Gellir cyhoeddi rhai Cyfnodolion bob mis a rhai ohonynt bedair gwaith y flwyddyn.

Mae sawl ffactor yn gyffredin i’r cyfnodolion a ddefnyddir yn y brifysgol

• Cânt eu hadolygu gan gymheiriaid - Mae'r erthyglau'n mynd trwy broses drwyadl i gael eu derbyn gan y cyfnodolyn a chânt eu hadolygu gan arbenigwyr yn y maes i sicrhau bod safon uchel o ymchwil yn cael ei gynnal.
• Gwybodaeth Ddiweddaraf - Mae erthyglau yn y Cyfnodolion yn cynnwys y wybodaeth ddiweddaraf am bwnc. Os ydych yn astudio maes pwnc sy'n gofyn i chi ddod o hyd i wybodaeth yn ystod y 5 mlynedd diwethaf, cyfnodolion yw'r adnodd delfrydol.

Mae gan y llyfrgell gopïau ffisegol o gyfnodolion y gallwch gael mynediad atynt, ond mae'r rhan fwyaf o gyfnodolion ar gael ar-lein. Pan fyddwch yn chwilio drwy Resource Finder, bydd y canlyniadau'n gymysgedd o adnoddau gan gynnwys erthyglau cyfnodolion.

Mae erthyglau cyfnodolion yn adnodd hanfodol ar gyfer eich astudiaethau.

Mae e-Gyfnodolion i'w cael trwy chwiliad allweddair cyffredinol ar Resource Finder. Byddant yn y canlyniadau ochr yn ochr â llyfrau. Ar frig y sgrîn Resource Finder, fe welwch tab o'r enw "Find eJournals". Os cliciwch ar hyn, bydd yn mynd â chi i gronfa ddata o'r enw Browzine. Mae Browzine yn gwahanu cyfnodolion yn feysydd pwnc. Gallwch fynd yn uniongyrchol at eich pwnc a phori'r e-Gyfnodolion yr ydym yn tanysgrifio iddynt. Gallwch gadw eich erthyglau unigol neu gyfnodolion cyflawn yn eich cypyrddau llyfrau rhithwir. Mae gennych 4 o gypyrddau llyfrau, ac mae 4 silff ym mhob un. Gallwch enwi'r silffoedd a symud adnoddau rhwng silffoedd ac achosion llyfrau.

Petaech yn treulio awr yn pori Browzine ac yn ychwanegu gwybodaeth at eich cwpwrdd llyfrau, gallech fynd yn uniongyrchol yno y tro nesaf y byddwch chi'n mewngofnodi. Os ydych chi’n sgrolio i lawr ar dudalen Hafan Resource Finder, fe welwch "Cronfeydd Data Eraill." Ar ôl i chi glicio ar hyn, fe welwch ystod o gronfeydd data pwnc-benodol ac mae pob un ohonynt yn caniatáu i chi chwilio am erthyglau cyfnodolion.

Mae cyfnodolion ffisegol yn gopïau print o gyfnodolion. Mae gennym gasgliad bach o gyfnodolion ffisegol yn y llyfrgell. Mae cyfnodolion ffisegol ar gyfer defnydd Cyfeirio yn unig ac felly nid oes modd eu benthyg. Fodd bynnag, mae rhai o'n cyfnodolion ffisegol hefyd ar gael ar-lein i'w gweld trwy Resource Finder.

I chwilio am gyfnodolyn ffisegol ar Resource Finder, teipiwch deitl y cyfnodolyn yn y blwch Chwilio. Os nad yw teitl y cyfnodolyn yn ymddangos yn y canlyniadau, dewiswch 'Held by library’ o'r gwymplen wrth ymyl ‘Availability’ ar ochr dde'r dudalen. Os yw'r cyfnodolyn ar gael yn ffisegol, bydd dolen yn dweud 'Available at Wrexham print journal'. O'r fan hon byddwch, yn gallu gweld pa rifynnau sydd gennym mewn stoc.

Mae rhifynnau cyfredol o’n cyfnodolion ffisegol ar lawr gwaelod y llyfrgell. Gellir dod o hyd i rifynnau blaenorol neu ôl-rifynnau o gyfnodolion ffisegol ar ail lawr y llyfrgell.